நடிகர் விமல் மற்றும் சூரி மீது வழக்கு பதிவு!

அண்மையில் நடிகர் விமல் மற்றும் சூரி கொடைக்கானலில் உள்ள பேரிஜம் ஏரியில் மீன் பிடித்து கொண்டு இருப்பது போன்ற படங்கள் இணையத்தில் தீவிரமாக பரவியது.

இது சமூக ஆர்வலர்கள் மற்றும் பொதுமக்களிடையே பெரும் சர்ச்சையை ஏற்படுத்தியது தடைசெய்யப்பட்ட பகுதியான பேரிஜம் ஏரியில் இவர்களுக்கு மட்டும் எவ்வாறு அனுமதி வழங்கப்பட்டது.
ஊடரங்கு காலத்தில் இவர்கள் எவ்வாறு அங்கு சென்றார்கள் ,இ- பாஸ் எடுத்து சென்றார்களா என என்று பல்வேறு கேள்விகளை எழுப்பி வந்தனர்.

இதனை அடுத்து கோட்டாச்சியர் சிவக்குமார் நடத்திய விசாரணையில் அவர்கள் இ-பாஸ் பெறாமல் தான் சென்றுள்ளார்கள் என்பது தெரிய வந்தது அதனை அடுத்து உடனடியாக அவர்களுக்கு உதவி செய்தாக கூறு வனத்துறையில் 3 வேட்டை தடுப்பு காவலர்கள் பணியிடை நீக்கம் செய்யப்பட்டனர் அதன் பின் 2 வ‌ன‌க்காவ‌ல‌ர்கள், 1 வ‌ன‌க்காப்பாள‌ர் ப‌ணியிட‌மாற்றம் செய்ய‌ப்ப‌ட்டனர்.

அதன் பின் ந‌டிக‌ர்க‌ள் விமல் ம‌ற்றும் சூரி மீது,கோட்டாட்சிய‌ர் சிவ‌க்குமார் பேரிட‌ர் மேலாண்மை ச‌ட்ட‌த்தின் கீழ் வ‌ழ‌க்கு ப‌திவு செய்ய‌, காவ‌ல் துணை க‌ண்காணிப்பாள‌ர் ஆத்ம‌நாத‌னுக்கு ப‌ரிந்துரை க‌டித‌ம் அனுப்பி இருந்தார் இதுகுறித்து விரைவில் விசாரிப்பதாக டிஎஸ்பி ஆத்மநாதன் கூறி இருந்தார்.

இந்நிலையில் இன்று, ஊரடங்கு உத்தரவை மீறி,இ-பாஸ் பெறாமல் கொடைக்கானல் பயணம் செய்து கொரனோ தொற்று பரவ காரணமாக இருந்ததாக வழக்குப்பதிவு செய்யப்பட்டது

பிரபல இயக்குநருக்கும் அவரது குடும்பத்தினருக்கும் கொரோனா!

புகழ்பெற்ற தெலுங்கு திரைப்பட இயக்குநரான ராஜமெளலி மற்றும் அவரது குடும்பத்தினருக்கு கொரோனா பரிசோதனையில் தொற்று உறுதியாகியிருக்கிறது என்பது தெரியவந்துள்ளது.

நாடு முழுவதும் கொரோனாவால் மக்கள் பெரிதும் பாதிப்படைந்துள்ளனர். கொரோனாவை பொருத்தவரை சாதாரண மக்கள் முதல் பிரபலங்கள் வரை என எந்தவித பாகுபாடு இல்லை. அனைவருக்கும் இத்தொற்று சாதாரணமாக பரவி வருகிறது.

கடந்த சில நாட்களுக்கு முன்பு நடிகை ஐஸ்வர்யா ராய், அமிதாப் பட்சன், ஐஸ்வர்யா அர்ஜூன் உள்ளிட்ட பல சினிமா பிரபலங்களும் கொரோனா தொற்றால் பாதிக்கப்பட்டனர். அவர்கள் அனைவரும் சிகிச்சைக்கு பின் குணமடைந்தனர்.

இதுபோல், தற்போது தெலுங்கு இயக்குநர் ராஜமெளலி மற்றும் அவரது குடும்பத்தினருக்கு கொரோனா தொற்று உறுதியாகியுள்ளது.

‘Baahubali’ director SS Rajamouli, family test positive for coronavirus

இதுகுறித்து ராஜமெளலி அவர்கள் தனது ட்விட்டர் பக்கத்தில், “எனக்கும் எனது குடும்ப உறுப்பினர்களும் சில நாட்களுக்கு முன்பு லேசான காய்ச்சல் ஏற்பட்டது. பின் குணமடைந்தது. இருந்தாலும் நாங்கள் கொரோனா பரிசோதனையை மேற்கொண்டோம். இதில் எங்களுக்கு கொரோனா தொற்று இருப்பது உறுதியானது. இதனையடுத்து மருத்துவர்கள் பரிந்துரையின்படி, நாங்கள் வீட்டிலேயே தனிமைப்படுத்தப்பட்டுள்ளோம்.

அறிகுறிகள் எதுவுமில்லாமல் எங்களுக்கு கொரோனா தொற்று ஏற்பட்டது. தற்போது மருத்துவர்களின் வழிமுறைகளை முறையாக பின்பற்றிவருகிறோம். குணமடைந்தவுடன் எங்கள் பிளாஸ்மாவை தானம் செய்து ஆன்டிபாடிகளை உருவாக்க காத்திருக்கிறோம்” எனக் குறிப்பிட்டுள்ளார்.