பள்ளிகள் திறப்பு தேதி குறித்து முக்கிய அறிவிப்பு?

பள்ளிகள் திறப்பு தேதி குறித்து முக்கிய அறிவிப்பு?

கொரோனா பரவல் காரணமாக நாடு முழுவதும் ஊரடங்கு பிறப்பிக்கப்பட்டுள்ளது.
குறிப்பாக தமிழகத்தில் நடப்பு கல்வியாண்டில் அனைத்து பொதுத் தேர்வுகளும் ரத்து செய்யப்பட்டு அனைவரும் தேர்ச்சி என்றும் அறிவிக்கப்பட்டது.
இந்நிலையில் அடுத்த கல்வியாண்டின் பள்ளிகள் திறப்பு தேதியை தொற்று காரணமாக ஒத்திவைக்கப்பட்டது. இதனால்கடந்த ஐந்து மாதங்களாக கல்வி நிலையங்கள் அனைத்தும் முடப்பட்டிருக்கின்றது.
பள்ளிகளின் திறப்பு தேதியை ஆவலுடன் எதிர்பார்த்திருக்கும் மாணவர்களுக்கு ஒரு முக்கிய செய்தி அறிக்கை ஒன்றை தமிழ்நாடு பள்ளிக்கல்வித்துறை வெளியிட்டுள்ளது.

அதில் குறிப்பிட்டுள்ளவாறு பள்ளிகள் நீண்ட காலமாக மூடப்பட்டுள்ளதால் பள்ளி வளாகங்கள் அனைத்தும் சுத்தம் செய்யப்படவேண்டும். கழிவறைகளை சுத்தம் செய்யப்பட்டு தூய்மையான கழிவறை வசதிக்கும்,மற்றும் தூய்மையான குடிநீர் வசதிக்கு வழிசெய்யுமாறு அனைத்து பள்ளிகளின் தலைமை ஆசிரியர்களுக்கும் சுற்றறிக்கை அனுப்பப்பட்டு உள்ளது என்றும், விரைவில்பள்ளிகள் திறப்பு தேதி அறிவிக்கப்படும் என்றும் அந்த சுற்றறிக்கையில் வெளியிடப்பட்டுள்ளது.

வருகின்ற செப்டம்பர் அக்டோபர் மாதத்தில் பள்ளிகள் திறக்கப்படும் என்று எதிர்பார்த்த நிலையில் இந்த சுற்றறிக்கை தற்போது மாணவர்களிடையே இன்னும் பெரிய எதிர்பார்ப்பை ஏற்படுத்தியுள்ளது.

பிரதமரின் வறுமை ஒழிப்பு திட்டம் நவம்பர் மாத இறுதி வரை தொடரும்!!மோடி அறிவிப்பு?

பிரதமரின் வறுமை ஒழிப்பு திட்டம் நவம்பர் மாத இறுதி வரை தொடரும்!!மோடி அறிவிப்பு?

கொரோனா தொற்று வீரியத்தின் காரணமாக நாடு முழுவதும் ஆறாம் கட்டமாக வருகின்ற ஜூலை 31-ஆம் தேதி வரை சில தளர்வுகள் உடன் ஊரடங்கு அமல்படுத்தப்பட்டு உள்ளது.இதுகுறித்து இன்று ஜூன் (30) மாலை 4 மணிக்கு பிரதமர் மோடி அவர்கள் நாட்டு மக்களிடையே பேசினார்.

அவர் கூறியுள்ளவாறு:

இரண்டாம்கட்ட தளர்வுகளுக்குள் தேசம் நுழைவதால் மக்கள் மிகவும் எச்சரிக்கையுடன் இருக்கவேண்டும் இந்த நேரத்தில் சிறிய தவறுகள் பெரிய ஆபத்துகளை ஏற்படுத்த வாய்ப்பு உள்ளது. இதனால் தனிமனித இடைவெளிகளை பின்பற்றி கவனத்துடன் பாதுகாப்பாக இருக்குமாறு மக்களை கேட்டுக் கொண்டார்.

மேலும் தற்போது சாதாரணமாகவே சளிக் காய்ச்சல் ஏற்படும் பருவம் நிலை மாற்றத்திற்கு நம் செல்வதால் மிகுந்த கவனத்துடன் இருக்க வேண்டும் என்றும் கூறினார்.

தொடர்ந்து அவர் கூறுகையில் மற்ற நாடுகளை ஒப்பிடுகையில் இந்தியாவில் கொரோனாவால் உயிரிழப்போரின் எண்ணிக்கை குறைவாக உள்ளது என்பதனையும் சுட்டிக்காட்டினார்.

ஏழை மக்கள் பாதுகாப்பை உறுதி செய்ய வேண்டும் அவர்கள் உணவின்றி தவிக்கும் நிலை தவிர்க்கப்பட்டது.மேலும் ஏழை மக்களின் வங்கி கணக்கில் 31 ஆயிரம் கோடி ரூபாய் ஒதுக்கப்பட்டுள்ளது.

மேலும் பிரதமர் மந்திரி வறுமை ஒழிப்புத் திட்டத்தின் கீழ் 50 ஆயிரம் கோடி ஒதுக்கப்பட்டுள்ளது என்று அவர் கூறினார்.

“தொடர்ந்து பேசிய அவர் பிரதமரின் வறுமை ஒழிப்பு திட்டம் நவம்பர் மாதம் இறுதி வரை நீட்டிக்கப்படும்” என்றும் நாட்டில் 80 கோடி மக்களுக்கு இலவச ரேஷன் பொருட்கள் வழங்கப்பட்டுள்ளன என்றும் அவர் குறிப்பிட்டார்.

ஒரே நாடு ஒரே ரேஷன் திட்டத்தின் மூலம் புலம்பெயர் தொழிலாளிகள் பெரிதும் பலன்கள் அடைந்துள்ளனர் என்றும் கொரோனா தடுப்பு பணியில் சில மாநிலங்கள் சிறப்பாக செயல்பட்ட என்றும்

“விவசாயிகளுக்கும் வரி செலுத்துவோர்களுக்கும் எனது மனமார்ந்த நன்றியை தெரிவித்துக் கொள்கிறேன்” என்றும் அவர் நாட்டு மக்களுக்கு உரையாற்றினார்.